【中醫暗瘡專線】粉刺、暗瘡、石頭瘡、經期暗瘡體質各不同｜中醫教你「食」走暗瘡＋擊退暗瘡印！
🔸 1. 粉刺 / 白頭 / 黑頭 🔸
油脂分泌旺盛或毛囊開口異常，令毛孔堵塞，油脂排出不暢而形成。主要症狀只有外觀上嘅影響。
從中醫角度屬於「肺經風熱」，常見成因有飲食不節制、皮膚清潔不當等。
🍜 建議食療：菊花茶、銀菊露、綠豆湯、百合
👩🏻⚕️ 作用：清熱袪濕
🔸 2. 暗瘡 🔸
當粉刺/白頭/黑頭鬱積日久，有機會引起細菌感染；又或者因為不當擠壓，造成局部毛囊發炎。以上情況會導致暗瘡嘅形成，出現紅腫含膿，甚至灼熱疼痛。
從中醫角度，此類病人多數屬於「肺胃鬱熱」，比肺經風熱更為嚴重。呢類病人皮膚油脂分泌較多，容易油光滿面，有機會有便秘問題。
🍜 建議食療：馬蹄汁、火麻仁、鮮馬齒莧、蘆薈汁
👩🏻⚕️ 作用：清熱解毒、降脂、潤腸通便
🔸 3. 石頭瘡 🔸
如出現暗瘡時護理不當、造成附近皮脂腺感染、或女性於經期前後荷爾蒙分泌旺盛時，有機會導致肌膚角質層加厚，令皮膚污垢不能順利排出，演變成「聚合性痤瘡」，即係我哋成日聽到嘅「石頭瘡」！
與暗瘡不同，石頭瘡更多與「氣虛血瘀」體質相關，亦有「痰瘀互結」的情況。病人平時會怕凍、無力易攰、常常捱夜、愛食刺身凍飲等、壓力大、情緒不穩、女性會有痛經及經血偏暗量少。
石頭瘡多發於皮膚下，患處皮膚會呈現紫紫紅紅、局部腫起、脹痛，卻無膿頭。正因「氣虛血瘀」嘅病人氣血運行不暢、皮膚局部為瘀血所堵塞，因此出現「想爆，但爆唔出」嘅狀態。
石頭瘡係皮膚上嘅損害範圍更大，亦容易形成疤痕或色素沉澱，對病人的心理造成一定壓力，治療上更棘手。
🍜 建議食療：玫瑰花、茉莉花、益母草、山楂
👩🏻⚕️ 作用：活血化瘀、疏肝理氣
🔸 青春痘 / 經期暗瘡 🔸
研究發現，情緒、壓力、作息以及飲食習慣都會引致粉刺同暗瘡嘅形成。另外，青春期及女性月經前後，會因為荷爾蒙水平改變而引起暗瘡。
中醫認為呢種暗瘡屬於「沖任不調」， 亦同肝腎兩臟關係密切，多因肝腎不足，虛火上炎引起。
🍜 建議食療：杞菊茶、石斛茶、玫瑰花、桑椹乾
👩🏻⚕️ 作用：補腎養肝、理氣
🔸 中醫治暗瘡 🔸
中醫治療暗瘡嘅常見方法有以下 3 種：
口服中藥：
✓ 減少暗瘡爆發
✓ 加快膿疱吸收
✓ 促進瘡口癒合
外敷中藥：
✓ 控制皮脂分泌
✓ 紓緩暗瘡症狀
✓ 幫助皮膚修復
針灸：
✓ 針對難治暗瘡，加強局部循環及皮膚修復
✓ 消除痘印、色素沉澱、疤痕結節
一般嚟講，暗瘡能夠係就診後 2 – 3星期得到明顯改善，及後 1 個月如能繼續堅持服藥，可以有效減少復發次數及嚴重程度。
少食辛辣刺激食物、油膩食物
