廿四節氣養生 – 春分

廿四節氣養生 – 春分

最近春回大地，人體嘅陽氣開始出返黎啦！肌表氣血供應增多，但同時你反而會覺得身體好攰，想訓懶覺。今日教下大家春分過後，點樣做春季養生保健，幫助自己升發陽氣！

起居上，雖然天氣會令你個人攰啲懶啲，但你反而要早啲起身。起身之後做少少拉筋、慢行嘅運動，可以幫助你克服情志上倦懶思眠嘅狀態，同時助生陽之氣升發，幫你全日都有精神咁做野！

飲食上，宜多食辛溫嘅食物，例如麥、棗、豉、花生、蔥、香菜。要避免食酸味嘅野，因為酸味入肝、不利於陽，會脾胃的適化功能！

家居上，因為溫度轉暖而且濕度高，溫熱毒邪開始活動，微生物細菌、病毒等隨之生長繁殖。所以大家繼續要多做家居清潔、提高室內空氣流通，避免細菌、病毒嘅生長。