浮針初體驗！腰椎滑脫外國人feeling amazing

浮針初體驗！腰椎滑脫外國人feeling amazing

我有位美國病人，佢有好嚴重的腰腿痛及坐骨神經痛問題，經同事介紹黎搵我。

剛開始時，病人只係話腰痛，所以我治療咗佢嘅腰部肌肉、左側腰方肌、豎脊肌、大腿前側及內側及小腿外側。後來病人帶左佢係美國嘅x-ray片俾我睇，發現佢已經出現腰椎滑脫！

腰椎假如出現異位甚至滑脫，會直接影響腰部及以下肌肉、生殖器官、腸道等的正常運作。呢位病人已經有腰椎滑脫一段時間，對神經嘅擠壓好深，造成長期嘅痛楚。加上附近肌肉為咗穩定滑脫嘅腰椎，長期收縮而變得緊張及不平衡的收縮。浮針可以放鬆肌肉及加速肌肉修復，所以非常有效及即時地為呢位病人止痛及解決肌肉緊張嘅問題。

於是我落咗浮針，然後叫佢做相對應嘅肌肉鍛練，令該組肌肉收縮放鬆（浮針的再灌注過程），增加局部血液循環。

之後我就叫佢起身行下，佢忽然大叫：「Amazing! I never feel like this in my life!」係，係大叫，全個治療區都聽到個隻。😳

我再叫佢試下金雞獨立，佢唔止做到，仲企得穩過我。佢話佢以前係做唔到呢個動作嘅。至此以後，佢一路都有搵我做浮針，直至佢工作完成要返美國。臨走前佢問我美國有冇得做浮針，我都介紹左醫師俾佢。😃

PS: 雖然每次治療都有明顯進展，但佢每日工作需要行起碼16層樓梯。我問佢點解唔搭𨋢，佢話太慢⋯因為每日著住西裝皮鞋上上落落，所以好左又捱到痛返，唯有不斷治療。各位要好好保重身體，盡量聽從醫師指引，唔好俾傷患再復發！

浮針與痛症

浮針是在皮下淺筋膜層進行針刺，透過刺激皮下疏鬆結締組織，加速患處的局部血液循環，讓免疫細胞到達患處並消除炎症。然後，透過患處肌肉的收縮放鬆（再灌注），令肌肉消炎並取得氧氣及養分，對肌肉損傷及痛症可即時止痛及有效治療。

根據患者疼痛部位，醫師會先觸診判斷肌肉狀態，再從該肌肉的頭尾兩端或周圍進針。浮針在針座的協助下會快速進入皮膚淺層，到達患處後會拔除針芯，而軟套管的部位可長時間留在皮膚淺層，對皮下疏鬆結締組織維持一定的刺激，刺激身體的白細胞持續數小時的治療，延續止痛療效。由於軟套管只留於皮膚淺層而不會接觸到肌肉層，因此留管期間不會阻礙一般日常活動。