疫苗快醫通

Omicron確診者 線上中醫診症 |撲唔到必理痛 用中藥5日轉陰性|居家隔離病徵速速退

最近診所不停接收確診患者,透過網上視像診症及速遞中藥,幫助居家隔離嘅確診者舒緩症狀。

麥美萍醫師亦有不少確診患者的診症個案,其中一位病人已經打咗3針科興疫苗,但亦難逃中招!

🔺 病發過程

Day 1️⃣ 2月20日 (日) 病人發燒至 38.X°C,核酸檢測呈陽性,出現流鼻水、咳嗽、頭暈、無胃口等症狀。

Day 3️⃣ 2月23日 (三)

病人服用政府診所處方的咳藥水,一開始有減少咳嗽,但幾個鐘又復發。

Day 4️⃣ 2月24日 (四)

病人自行服用連花清瘟膠囊3天,仍然低燒約 37.3°C。雖然流鼻水、咳嗽有減少,但最辛苦係成個人感覺好虛弱好攰、頭暈、落唔到床。 病人亦繼續胃口差,食量得返平時的一半,同時有肚痾、亦咳得勁咗。

🔺 中醫治療

Day 8️⃣ 2月28日 (一)

病人終於頂唔順,經網上求診麥美萍醫師。就診時,仍然有以下症狀:

感冒症狀:

🔸 鼻塞 🔸 咳嗽 (會半夜咳醒) 🔸 喉嚨痛🔸 白色痰

全身症狀:

🔸 無精神 🔸 無胃口 🔸 肚痾

食咗藥第一日,病人已經無再半夜咳醒, 喉嚨痛、 喉嚨痕都有明顯減少。

食藥第三日,病人體溫 降至 36.8°C, 9成症狀已經消失,唔再喉嚨痛、咳嗽,最緊要係訓覺、胃口、精神都好返好多!

Day 🔟 3月2日 (三)

病人再做快速測試,已經轉為陰性啦!

💡 建議大家一出現病徵,就要使用中藥治療,及早介入療效越好!

🔺 快速測試準確嗎?

不少臨床上病人反映快速測試頭一次陰性,但過2-4天後檢測陽性。

如患者發燒,咽痛,咽癢,咽乾,惡寒,身痛,咳嗽等症狀一直沒有舒緩,建議第一次檢測後24-48小時後再檢測多次。

🔺 連花清瘟膠囊能預防新冠病毒嗎?

不能的。連花清瘟膠囊主治輕型、普通型引起的發熱、咳嗽、乏力,主要是治療熱毒證型,大多是清熱寒涼藥物,長期服用會傷陽氣和損傷脾胃,引致腹瀉,嘔吐等。

風寒症或體質虛弱患者慎服。

如果病人有惡寒重(即尖寒尖凍好犀利)、低燒,服用後可能會加重症狀,更會有嘔吐、腹瀉等副作用!

而且,G6PD人士不應服用(因為內含金銀花)。建議服用前必須諮詢專業醫師!