皮膚科
手掌長出密集小水泡 新手媽媽唔夠訓壓力大 一星期外洗內服中藥治癒汗皰疹
汗水、陽光、冷氣，呢 3 樣夏天嘅必備元素，同時又係令濕疹係夏天特別常病發嘅原因！而如果係手指腳趾側邊、冒出一顆顆密集嘅透明小水泡，很有可能屬於濕疹中嘅「汗皰疹」！
【新手媽媽壓力大 竟致患上汗皰疹？】
這位病人，1 星期前開始兩隻手掌出現一啲細小水泡。起初不痕不癢，諗住過幾日就無事。點知就越生越多，有幾粒細水泡仲融合埋一齊，越來越痕，好似有螞蟻係皮膚下面不停咁咬！
病人於是就診西醫，西醫處方咗低劑量類固醇藥膏。但由於病人有一個 1 歲多啲既bb，擔心係手上搽藥膏會被bb舔到，所以轉而求診中醫。
經過檢查之後，陳醫師確認病人雙手既問題係汗皰疹。而係問診過症中，發現病人原來因為照顧bb而一直休息不足、加上就育兒問題同奶奶有啲拗撬，最近壓力好大、情緒比較差、睡眠更加唔好。
陳醫師認為，這很可能是導致病發的主因，所以處方了2條藥方，1 條內服 1 條外洗。病人終於在一星期後回復正常皮膚了！想知道治療方案詳情就繼續睇落去啦！
【濕疹之一 – 汗皰疹】
「汗皰疹」係濕疹嘅一種，患者係手指、腳趾、手掌或腳掌兩側，會長出米粒大細、密密麻麻既小水泡，非常痕癢，甚至有燒灼感。後期，水泡破裂或自己吸收之後就會甩皮，不斷反覆發作。
汗皰疹容易係春末及夏天發作，致病原因一般認為包括：(1) 天氣、(2) 情緒/壓力、(3)捱夜/休息不足、(4) 接觸過敏源、(5)過敏體質、(6)腸胃功能不調 均有可能是致病原因。當中又以壓力為最常見的成因。
中醫學角度認為，呢個病既主要成因係 – 濕熱停留於皮膚表面，唔能夠由皮膚腠理（毛孔）排出體外，令濕邪流窜四肢而發病。
【外洗內服中藥 標本兼治】
陳醫師根據病人情況，開左兩個處方中藥比呢位病人：
(1) 內服處方 – 從治本的角度出發，主要採用疏肝理氣既中藥，調和病人的情緒、壓力，透過調理體質達到預防復發；
(2) 外洗處方 – 以治標、止痕癢為主，採用祛濕止癢既中藥，用一盤溫水融開藥粉，每日浸洗雙手10-15分鐘，把藥效直接帶到皮膚，達到立竿見影的效果。
病人浸咗2晚，雙手既水泡已經乾枯、結痂，一個星期後皮膚就回復正常了。
💡💡 外洗中藥在治療淺表皮膚症狀，好處包括 (1) 讓藥效更快到達患處、 (2) 幫助患處皮膚角質軟化及鱗屑脫落，有潤膚止癢既作用、 (3) 外用嘅方式適合怕飲中藥的患者。 💡💡
陳泳豪 註冊中醫師
0
