【經痛劇烈 經血量多/周期長 性交痛 難懷孕】 經期一日食6粒止痛藥 劇烈經痛：小心朱古力瘤

好多女生都會有少少經痛，但痛到標冷汗、嘔、暈，就絕對唔係正常現象，甚至係朱古力瘤嘅症狀 (子宮內膜異位症)，嚴重嘅會導致不孕！

一位30歲嘅女病人，結婚3年來一直努力備孕，可惜遲遲未有懷孕，本來已經放棄咗生BB。

直到有一次，病人係公司因劇烈經痛暈低，被送入醫院。醫生幫佢照超聲波，先發現子宫內有3粒朱古力瘤，大小由2-4cm不等。

原來，呢位女病人一直都有劇烈經痛，經期間一日要食6粒止痛藥，嚴重嘅時候仲會標冷汗、嘔吐、肚痾、頭暈。西醫判斷，呢3粒朱古力瘤就係令病人劇烈經痛及一直難以懷孕嘅原因。

知道患上朱古力瘤後，呢位病人到診所就診。問診後發現，病人平時鐘意飲珍珠奶茶當正餐，又成日捱夜煲韓劇，令身體出現血瘀嘅情況，形成中醫稱為「癥瘕」嘅情況。