健康資訊
香港榮獲過勞城市no. 1！中醫談過勞壓力抑鬱型胃痛
在《2020年工作與生活平衡城市排行榜》中，香港榮獲「全球勞累過度人口最多」嘅城市，近3成人出現勞累過度嘅情況。俾啲掌聲自己先 👏🏻
上回談到胃痛有 4 大成因，今日特別黎講一講⚡「過勞壓力型」胃痛⚡
胃痛 - 抑鬱症從心理影響生理
談到抑鬱症，除了持續的抑鬱情緒、失眠、輕生念頭外，原來痛症也是其中一種徵狀。當中以背痛、胃痛及頭痛為常見表現。
抑鬱情緒，會被身體視為一種威脅。在「🤜🏻 fight or flight 🕊️」的本能下，「遇上威脅」呢個訊息會經過自律神經系統及內分泌系統「傳揚開去」，觸發成日聽到嘅「⚠️ 腎上腺素急升」，去令身體可以應對緊急狀態。而增加胃液分泌💦 ，就係其中一個生理反應。
一般情況下，當威脅消失（例如情緒調節），身體就會自行調節、回復正常。但如果抑鬱情緒持續，短暫的身體應急會演變成長期、慢性的功能失調。胃痛，就係首當其衝的一個表現。
肝氣犯胃 - 原來古書早有記載？
情緒與胃痛的關係，原來我地嘅老祖宗早有記載。
《傷寒雜病論》寫道：「見肝之病，知肝傳脾，當先實脾」。當人嘅情緒低落，就會出現肝氣鬱滯，然後傷脾胃。臨床上有以下3種：
1／肝氣犯胃
症狀：嘔吐或乾嘔、常嗝氣、心情鬱悶或煩躁、腸胃不適。每逢情緒波動就會加劇症狀。
2／脾胃虛弱
症狀：無胃口食野、食完野會肚脹、出現厭食、消瘦、無氣力等情況。
3／邪濁擾胃
症狀：情緒鬱悶時會突然嘔吐、量多而且猛烈、嘔完胃部仍然不適、有機會發熱、全身酸痛。
以上已經是由肝鬱影響到脾胃後的情況，建議應及早就醫，否則康復會更難。
中醫治胃痛
中醫治胃痛，以「理氣、和胃、止痛」為原則，主要透過疏通氣機，調和胃腑的功能失調問題，達到止痛療效及減低復發機會。方法有中藥、針灸、耳穴等。
診所曾經有一位姑娘，因為做到太攰太大壓力啦，成個星期都胃痛又無胃口食lunch。終於係一個lunchtime，面青口唇白咁訓左係治療床上面。
偏偏呢位姑娘唔肯飲藥又好驚針灸。好彩當時陳泳豪醫師仲有一手，就係用耳穴。
耳穴貼中間有粒小珠仔，醫師會貼係相應的耳仔穴位上，透過小珠仔刺激去達到療效。平時唔掂佢就有少少痠，無咩feel。
陳醫師叫姑娘，一開始作胃痛就大力禁耳穴！姑娘照做，終於捱得到去星期五，可以係周末休息一下。
醫病只是其次
醫病，原來唔係中醫最叻個樣，「醫未病」先係！所謂「治未病」，其實就係古人version嘅「預防勝於治療」及「病向淺中醫」啦！
要預防過勞壓力型胃痛，首要當然係搵方法減壓啦！原來，令自己多啲處於清涼、光線柔和、環境清幽嘅地方，可以有效改善肝鬱。再配合番茄、冬瓜、蘿白、梨、蘋果呢啲疏利行氣嘅食物，就可以幫手舒緩肝鬱氣滯嘅情況！
另外，當你有少少病徵就立刻治療，康復嘅機會較高、時間較快，千萬唔好拖到病情加深呀！
陳泳豪 註冊中醫師
0
Tags :
