我的白帶正常嗎？春季常見婦科病 – 帶下病

我的白帶正常嗎？春季常見婦科病 – 帶下病

帶下本不是病！女士們會有少量透明無臭味的分泌物，以潤滑及保護陰道壁的黏膜。呢啲分泌物就係「帶下」。但當帶下嘅量、質、顏色或氣味出現變化，甚至出現下體痕癢，咁可能就係「帶下病」啦！

從現代醫學角度而言，念珠菌增生有機會引發陰道炎，徵狀包括陰道分泌會增加、變黃、呈芝士狀，外陰痕癢，陰道疼痛，或性交時感不適。嚴重時，外陰部、會陰、腹股溝有發炎、潰損現象，非常疼痛。

從中醫角度，呢個情況稱為「帶下病」。入春後天氣潮濕，會加劇帶下病嘅發病機率及嚴重程度。

女士們每日都接觸到念珠菌，但點解部分人出現陰道炎，其他人又無事呢？

第一個常見成因係錯誤使用清潔用品。女性陰道有一個天然屏障去抗菌，就係陰道內嘅益生菌。但係，如果使用洗陰水或沐浴露去清潔陰道，咁樣反而會殺死陰道內嘅益生菌，令念珠菌於陰道內增生。

第二個常見成因係壓力。蘇醫師臨床上曾經用過逍遙散去治療帶下病。固名思義，逍遙散能夠疏肝解鬱，令人放鬆情緒、幫助入睡。透過調節自身的免疫系統，令念珠菌不攻自破。

蘇醫師建議有相關困擾嘅女士唔好亂用清潔用品，應該及早就診及進行治療哦！