M痛能癱瘓一間診所

M痛能癱瘓一間診所

蘇醫師以前曾遇到一個診所助理，故事是咁的：

佢有次黎月經不單劇烈經痛，而且面唇發白、四肢冰冷、對住個垃圾桶不停嘔吐。我扶佢上治療床幫佢針灸，期間助理不停同我講對唔住。😰

落針後15分鐘，助理同我講想嘔，我拔出所有針，然後俾佢嘔哂出黎。嘔完我就執左藥俾佢飲，然後叫佢係床上面休息一陣。

成個過程大約30分鐘，終於診所老闆到達並慰問診所助理，雖然見佢個樣仲係虛虛地，不過佢話已經無痛啦。😳

蘇醫師臨床經驗上，中藥結合針灸去治療經痛嘅即時療效係非常明顯。患者於針灸後5-10分鐘已停止嘔吐，而服藥後10我分鐘疼痛已基本上消失，可以正常工作。患者表示以往服用止痛藥後，小腹仍會感酸脹不適及身體疲乏，但採用針藥治療後就連酸痛及疲乏不適都無咗。

此外，止痛藥始終只能治標，而中醫治療則能治本，不單可以令月經行之更暢通，更可有效地減輕患者氣滯血瘀嘅情況，令經痛情況每次減輕，直至月經正常。

同時，痛經患者亦要注意自己會唔會係器官質性病變，例如子宮內膜異位症、子宮腺肌症、慢性盆腔炎等，都有機會出現痛經情況。因此建議患者及早就診，千萬唔好依賴止痛藥，而忽視咗身體俾你嘅訊號呀！