健康資訊

10日藥KO小兒鼻敏感 因為呢樣野復發?

上年冬天時有位媽媽帶佢一位讀緊小學嘅小朋友黎做天灸,希望改善鼻敏感問題。呢位小朋友自幼稚園已經有非常嚴重嘅鼻敏感問題,經常打乞嚏流鼻水,晚上又會鼻塞到影響睡眠質素。媽媽曾經帶小朋友去游水希望改善問題,但問題始終無得到根治。

做完一季度嘅天灸後,蘇醫師見小朋友嘅情況仍未得到改善,於是建議佢開3日藥試一試。3日後媽媽再黎診所重配咗7日藥,之後就無再見到佢地返黎覆診。

直到今年新年後,呢位媽媽帶左小朋友嘅家姐黎睇皮膚。蘇醫師問返小朋友嘅情況,原來食完2次藥佢嘅鼻敏感已經好返。但係新年時屋企放左盤百合花,搞到佢鼻敏感又復發,唯有新年後再移走盤花。😯

蘇醫師係度提提你,小童鼻敏感因為發病時間尚短,加上小朋友康復能力強,所以治療效果會比較顯著。但同時鼻敏感亦非常受環境影響,一啲潛藏係家中嘅致敏源可能係大家都估唔到架!最好都係及早諮詢專業醫師,以免拖延病情。

Author : 蘇安莎 註冊中醫師

近十年豐富臨床經驗;於醫管局三方合作中醫診所駐診多年,曾為多個社福利機構及企業提供中醫療講座及工作坊。多年來秉持醫者仁心,創辦了蘇安莎中醫診所。臨床研究範疇包括:針灸(痛症、運動損傷、關節勞損
、浮針)、婦科(月經失調、痛經
)、皮膚病(暗瘡、濕疹)、眼科(青光眼、黃斑病變)。

發佈留言

發佈留言必須填寫的電子郵件地址不會公開。 必填欄位標示為 *