Home office的我膝頭痛了

Home office的我膝頭痛了

今日有一位OL病人掛號，佢之前有坐骨神經痛，最近home office做做下野會膝頭痛。

我檢查及診斷後，先用浮針治療鵝掌肌鍵，再叫做佢幾下深蹲睇下膝痛有冇好啲。佢話：「又真係無痛啦喎！」

於是我再拎平時診所姑娘擒高擒低用嘅小樓梯（估唔到仲可以拎黎做治療），俾佢行上行落，試下仲有冇膝痛。病人話膝前側仲有啲痛，所以我再用浮針治療埋股四頭肌及脛骨前肌。第二次浮針後再試行樓梯，佢話：「冇再痛啦！」

雖然痛楚可以透過浮針治療即時舒緩，但要徹底消滅痛症，當然係要搵出膝痛主因啦。傾左一輪之後，發現原來病人最近home office嘅時候，會將雙腳屈曲踩係櫈上面，導致膝頭屈曲時間過長。長時間維持膝蓋彎曲嘅蹲、坐姿勢，都會導致局部肌腱過度收縮緊張，促使下身的痛症出現。

建議仍在home office或係辦公室久坐嘅大家，做野做到咁上下時間就要起身郁下、拉下筋，記得好好維持膝蓋健康啦！

浮針與痛症

浮針是在皮下淺筋膜層進行針刺，透過刺激皮下疏鬆結締組織，加速患處的局部血液循環，讓免疫細胞到達患處並消除炎症。然後，透過患處肌肉的收縮放鬆（再灌注），令肌肉消炎並取得氧氣及養分，對肌肉損傷及痛症可即時止痛及有效治療。

根據患者疼痛部位，醫師會先觸診判斷肌肉狀態，再從該肌肉的頭尾兩端或周圍進針。浮針在針座的協助下會快速進入皮膚淺層，到達患處後會拔除針芯，而軟套管的部位可長時間留在皮膚淺層，對皮下疏鬆結締組織維持一定的刺激，刺激身體的白細胞持續數小時的治療，延續止痛療效。由於軟套管只留於皮膚淺層而不會接觸到肌肉層，因此留管期間不會阻礙一般日常活動。