註冊醫師教做運動 KO大媽頸

所謂大媽頸，其實係指第六頸椎至第三胸椎弧度過度後彎。

不單身體形態上會導致龜頸、圓肩及駝背，更會促使軟組織或頸椎骨骼增生（坊間稱之為骨刺）、及使附近肌肉脂肪化，導致後頸越黎越大包！最後會因神經受壓，造成肩膊、頸、手臂、手肘、手指嘅痛楚、麻痺、無力或肌肉緊張、頭暈、頭痛、胸口翳悶、呼吸困難等情況。最後會影響整體脊椎嘅生理孤度及骨盆嘅排列平衡，造成其他部位嘅痛症及身體功能運作異常。

要治療頸椎病/大媽頸問題，最直接嘅方法一定係搵專業醫師為你以手法進行骨骼復位、關節鬆動術及肌肉筋膜鬆解。最主要相關的肌肉包括：胸鎖乳突肌、斜角肌、斜方肌、肩胛提肌及枕下肌群。透過拔罐、推拿及針灸，淺層肌肉可以得到放鬆。而針對治療肌肉嘅浮針療法成效亦非常顯著！同時，你亦需要配合簡單運動去激活頸深肌群！

激活頸深肌群 – 毛巾操：

1. 將毛巾放係頭部後尾枕位置
2. 用手拉住毛巾末段拉前方拉
3. 下巴內收，感覺與毛巾有對抗力
4. 保持耳朵對齊膊頭
5. 每次保持8-10秒，重覆做3次
6. 如果無毛巾，亦可以只將下巴內收至對齊膊頭