乾咳少痰氣促＝新型肺炎？

乾咳少痰氣促＝新型肺炎？

乾咳少痰氣促的確係新型肺炎比較常見嘅病徵，但基於每人嘅個體差異及病情發展嘅不同階段，我地並不能就咁判斷係一般感冒抑或係新型肺炎。不過，我地可以從中醫治療新型肺炎嘅研究入面，認識4種確診患者嘅證型及佢地嘅病徵。

首都醫科大學附屬北京中醫醫院王玉光等人在武漢為200多名武漢肺炎患者診治，並將其觀察及臨床診治經驗，寫成《新型冠狀病毒（2019-nCoV）肺炎中醫臨牀特徵與辨證治療初探》一文。文中提出4種常見證型：

4種證型嘅患者都會出現乾咳少痰及氣促胸悶，除此之外：

1. 濕，影響脾胃樞紐：低燒或沒有發燒，但有痾嘔、疲倦乏力；
2. 熱，影響肺功能：有發燒、口渴、胃口差、大便不順暢或者肚痾；
3. 熱，導致肺經絡出血：出現高燒、黃痰帶血及便秘；
4. 內閉外脫：昏迷、大量出汗、出血或大小便，病情已非常嚴重。

新華社於2月7日報道，23名患者在接受以中醫為主之中西醫結合治療後，在2月6日痊癒出院，各住院約6至18天，而在早期用中醫治療手法介入的病人較易治癒。記得有病徵就要立即求醫，唔好再拖啦！