健康資訊

【2024 三伏天灸治療】暖宮調經助孕

不少女性為生兒育女做準備,或者調理月經問題,都會留意點樣「養宮」。食療、按摩、熏蒸等方法往往較為費時。原來有一種傳統中醫療法,只需要將藥物貼係穴位上,非常簡單就可以達到暖宮效果!

🔅 「宮寒」的形成

宮寒是指子宮虛寒,代表盆腔周圍氣血不暢、經絡不通,引起身體虛寒、月經不調等問題。成因多為食生冷食物、飲凍飲、常受風寒,姐係著得多韓式短版上衣,都會令子宮因下腹吹到風而受寒,所以要配返條高腰褲擋擋風。

🔅 宮寒6大症狀

1/經期提前或推遲
2/經痛
3/經血色暗或帶血塊
4/白帶量多、清稀如水狀
5/手腳冰冷、下腹寒涼
6/小腹凸出、水腫、頻尿或夜尿

同樣會出現經期不規則,另一種的體質是「氣血兩虛型」,主要症狀為:經量少、顏色偏淺、質地較稀、易攰無精神、易頭暈頭痛。以上兩者均可透過天灸中藥貼來改善症狀。

🔅 宮寒也有「熱症」?

月經不規則的患者也容易出現「寒熱夾雜」嘅情況。例如:多思慮、壓力大嘅女士們更易出現「陰虛」但「燥熱」嘅情況;平時怕冷、手腳冰凍,但又有口乾舌燥、排便不暢嘅問題;出現月經不正常出血。

呢啲情況,千萬唔好一味暖宮或熱療,否則會適得其反!呢啲情況,建議要先諮詢醫師嘅專業意見,之後先可以進行相關嘅治療。

🔅 天灸 - 貼藥治寒病

要暖宮,唔洗又燻又蒸嘅,將中藥貼係下腹就可以啦! 天灸係中醫治療虛寒疾病嘅療法之一。

療法會係一年中,4節最炎熱或最寒冷嘅日子,在背部主要穴位上,貼上辛溫助陽嘅中藥。每節日子做一伏,全套療程共四伏。

針對宮寒問題,會再貼敷下腹嘅穴位,令熱感從穴位直透體內,可以溫腎壯陽、改善月經問題、促進生殖。

🔅 治療流程

1. 醫師把脈、問診
2. 按病情在相應穴位貼上天灸貼
3. 姑娘講解天灸注意事項
4. 確認下一伏時間後可離開,繼續日常活動,過程大約20分鐘
5. 在45-60分鐘後自行撕走天灸貼

📅 時間表

建議四伏各選一天,共貼藥四次

【第一伏】7月14、15、16日
(中環、元朗:7月15、16、17日)

【第二伏】7月24、25、26日

【第三伏】8月3、4、5日
(中環、元朗:8月3、5、6日)

【加強伏】8月13、14、15日

‼️ 早鳥優惠 ‼️

6月30日或之前報名:$600/4次
7月1日或之後報名:$800/4次
單次收費$250

如在天灸治療當日,病人希望進行額外治療,例如處方中藥,亦可享免診金優惠,只需付藥費即可。