婦科

【產後脫髮】3星期針藥+梅花針 停止過量脫髮+改善泌乳

潘健燊醫師最近有一位因產後脫髮而求診嘅病人。自從生咗bb後,病人每次洗頭時都會發現落髮數量比以往多、每次梳頭更會甩十幾條頭髮。慢慢地,病人發現自己頭頂嘅頭髮越來越薄,分界越來越明顯。
 
潘醫師係問診時發現,病人係生咗bb後一直都比較虛弱,例如怕冷、面色蒼白、腰痛、頭暈眼花及失眠。
 

中醫認為,孕婦因為分娩時需用力及大量出血,故產後會處於「血不足、氣亦虛」嘅狀態,所以容易出現產後脫髮、產後身痛、產後缺乳、產後抑鬱等情況。
 
潘醫師為呢位病人進行針灸、梅花針再加上中藥,治療三星期後,病人已經停止了大量脫髮,身體虛弱嘅問題亦有明顯改善。

【注意產後保健】

 
中醫認為,分娩會大量損耗孕婦嘅元氣及血,所以產後病人往往「多虛多瘀」的體質。因此,中醫十分重視產後「坐月」。在產後的 1 – 3 個月做好產後調理,不但可以恢復孕婦元氣,亦可以順道改善孕婦本身的體質。

【產後脫髮】

 
中醫認為「髮為血之餘」,意思是頭髮是在陰血有餘的情況下生長的。相反,孕婦分娩時大量流失血液和汗液,造成氣血不足。自然,頭髮就容易脫落及難生長出來。
 
除此之外,所謂「腎藏精,其華在髮」,即是要頭髮生得烏黑濃密,需要腎氣充足。好多時,媽媽仲要捱夜餵哺母乳或者照顧bb,睡眠嚴重不足,就會令腎氣虧虛,加劇脫髮問題。

【中醫治療】

 
潘醫師治療產後脫髮嘅臨床經驗,會著重滋養陰血,爲頭髮帶來精微物質,從根本處理產後脫髮。同時亦會加入補腎養血嘅中藥,處理因產後腎氣虧虛而造成的脫髮。
 
係服用中藥同時,潘醫師亦會配合傳統針灸加上梅花針療法。傳統針灸以補腎養血為主;而梅花針則能夠深度刺激頭皮、激活頭部微循環,同時可以刺激萎縮毛囊、達到活血化瘀的功效,從而幫助患者生髮。

【餵母乳可以食中藥嗎?】

 
有部分媽媽會擔心食中藥影響哺乳,但由於醫師嘅用藥都會選擇藥性平和、性質安全嘅中藥材,所以不單唔會影響到bb,反而媽媽體質改善可以令乳汁更多、更有營養。因此,各位媽媽可以放心服用。

【預防脫髮小貼示】

 
潘醫師提醒各位媽媽們,係產後可以多進食補腎食物,例如黑豆、黑芝麻、山藥、黑木耳、合桃、熟地等,可以幫助預防脫髮。其次,可以多d用手指頭輕輕按摩頭皮,促進血液循環。但如果已經出現脫髮症狀,一定要及早就診專業嘅醫師,越早治療成效越佳!

Author : 潘健燊 註冊中醫師

海外回流註冊中醫師,畢業於香港中文大學中醫全科碩士學位,具豐富臨床經驗。專研內科中藥調理、痛症針灸及浮針治療、婦科、情志病、皮膚科等。臨床研究範疇包括:針灸治頭痛、坐骨神經痛、肌肉扭傷、關節炎、腸胃不適、婦科(經前緊張症候群、月經不調、痛經、功能性子宮出血、白帶異常、妊娠嘔吐、閉經)、情志病(鬱證、失眠)。