兒科

小朋友專注力不足及讀寫障礙 3個月頭皮針治療成績顯著改善

孫頴儀醫師有一位持續嚟保健嘅媽媽病人,病人係就診過程話,原來佢有一位正值青春期嘅囝囝,自小就有專注力不足及讀寫障礙問題。病人亦係因為擔心囝囝嘅情況,所以成日訓唔好。

於是,孫醫師建議病人下次帶埋囝囝嚟就診,用中藥及針灸幫吓手。 原來,囝囝由小學開始已經成日進出醫院專科診所,亦試過唔少西藥療程。可惜,症狀不止無改善,甚至出現藥物副作用,包括頭暈頭痛、胃痛食唔落嘢等等。所以,囝囝升中後無再睇任何醫生。

孫醫師了解情況後,決定用頭皮針療法去幫助囝囝改善情況。

「專注力失調及過度活躍症」,英文 Attention Deficit and / Hyperactivity Disorder (ADHD),從西醫角度可分為3類:

1. 專注力不足型: 比同齡人較難維持專注力,容易受周圍環境影響而分心,難以按照指示做事。一般來說,他們做事缺乏條理、比較善忘、常欠帶或遺失物件。

2. 過動型: 此類患者活動量較高,經常離開座位、或在座位內扭動身體,難以保持安坐;說話較多,難以安靜地進行活動;欠耐性、難以排隊或輪候,亦喜歡插嘴或搶著回答問題。

3. 上述兩種的綜合型

ADHD 症狀通常由童年開始出現,會使學童難以專心上課或做功課,亦會令他們在社交上容易與朋友起衝突。這些症狀大部分會持續到成年,繼而影響工作表現及日常生活。

中醫內科古藉中嘅「五遲」病,指各類小兒發育遲緩,當中就有提及使用頭皮針治療,對改善小兒腦病有顯著效果。現代臨床研究亦指出,頭皮針對治療小兒腦病有以下明顯療效:

1. 減少衝動和行為異常

2. 提高記憶力與智力水準

3. 提升專注力及社交能力

4. 明顯增加與別人的眼神交流

普遍認為,ADHD 患者嘅大腦「額葉」部分比較弱,所以影響佢地嘅專注力及認知執行力。臨床研究發現,頭皮針中所謂「額六針」嘅一組前額穴位,有刺激大腦「額葉」、改善額葉周圍血液循環、加快神經衝動傳導嘅作用。中醫角度上,呢組穴位亦有醒腦、安神作用,有鎮定情緒、幫助入眠嘅效果。

以2歲幼童而言,由於顱骨已經完全閉合,所以大腦有非常堅硬嘅顱骨保護住,頭皮針係十分安全。而頭皮針所使用嘅穴位附近,亦無主要神經幹或主要血管,所以唔會出現神經或血管損傷。

要留意,由於頭皮嘅微絲血管較多,針到微絲血管而針口稍為出血係十分正常及常見,起針後按壓一下就會止血。

頭皮針一般使用 0.15mm 幼針,暫時大部分小朋友都接受到,如果到時小朋友真係配合唔到,亦可以轉為小兒推拿嘅治療方法去輪助!

🌿 中藥治療 ADHD 體質

孫醫師根據臨床經驗及近代文獻研究,總括出 ADHD 有以下分型:

1. 腎陰不足,肝陽偏旺

2. 心脾氣虛

3. 脾胃濕熱,痰火擾心

孫醫師臨床經驗發現,透過處方中藥調整 ADHD 患者體質,可以有效鎮靜情緒、提高集中力、讓患者更易入睡。同步配合頭皮針去刺激腦部功能,2種治療合併下,效果相得益彰。

囝囝需要每星期針灸2-3次,同時配合中藥。經過3個月嘅針藥治療,囝囝話覺得自己上堂同溫書嘅時候集中咗,媽媽亦話囝囝主動坐定定睇中文書,末期考試成績由最尾幾個升前大約30多名,最終順利升班!

囝囝依家繼績每個月定期覆診1-2次,作為保健及保持療效。而媽媽嘅失眠情況亦越嚟越少,焦慮明顯減少,覆診時變得笑容燦爛。

Author : 孫頴儀 註冊中醫師

畢業於香港大學 針灸碩士,並取得綜合康復治療證書、臨床皮膚醫學證書、疼痛管理證書等。在婦科、痛症、皮膚病及情志病方面深造,對治療失眠、焦慮症、抑鬱症等有豐富臨床經驗。