情志病|失眠

長期食安眠藥出現抗藥性|5次針灸幫西醫減壓治失眠 暗瘡消失成意外收獲!

方慶琳醫師有一位20幾歲嘅女病人,雖然病人仲好後生,但原來已經失眠咗4年。病人每晚都會係床上面典黎典去,要1-2個鐘先瞓得著。最慘嘅係,病人一晚會醒3-4次,醒完又要1個鐘先瞓得返。計計埋埋,一晚得3-4個鐘瞓到覺。

病人到診嘅時候,最突出就係佢對又深又大嘅黑眼圈,再加上因為瞓唔好而成面生滿「壓力瘡」,未出聲都感受到佢平時好大壓力。

原來,呢位病人係一位西醫。病人讀緊大學時,已經因為學業壓力而失眠。後來係醫院工作嘅作息唔定時,呢一年仲有疫情加重負擔,令病人終於爆煲。

作為西醫,病人自己都有食安眠藥,但因為長期使用而出現抗藥性,依家食咗都訓唔到,所以就係同事介紹下黎搵方醫師。

方醫師幫病人做一個全身平衡嘅針灸治療,除咗採用治療失眠常用、養心安神嘅穴位,再加上疏通局部經絡嘅穴位,從而調情達志、放鬆壓力。

持續治療之下,4年嘅失眠竟然係5次針灸治療中搵到出路。依家病人瞓上床5-10分鐘就瞓得著,唔會再瞓到一半醒返。甚至,連面上嘅暗瘡都退去。面色好咗、個人精神咗,心態都變得正面積極。

最後,呢位西醫病人同方醫師成為咗好朋友,得閒會分享病案、互相學習,方醫師都將西醫嘅知識用係中醫嘅診症上。

【中醫小知識】

中醫角度認為,人體嘅陰陽要調和,咁先可以瞓得好!所以,中醫會根據患者的體質、症狀及病因,將病人分為「實」、「虛」2種。

實症由肝鬱化火或痰熱內擾引起,虛症常見陰虛火旺、心脾兩虛或心膽氣虛。同時配合中藥或者其他手法治療,效果亦會雙得益彰。

由於中醫以治根本為主要目標,對病情長及反覆發作嘅失眠,療效相當顯著。

Author : 方慶琳 註冊中醫師

香港大學針灸碩士畢業,並在痛症學、中風治療、手法治療等方面深造。在針灸治痛症、婦科、美容針方面有豐富臨床經驗,包括頸椎病、腰腿痛、月經不調、備孕、濕疹、暗瘡等。