針灸減重醫膝頭痛 2個月減9成痛楚
有一位女病人，因為以前做運動扭傷過膝頭，但當時無積極治療，直到最近膝頭痛得好勁，所以求診。西醫診斷佢有「退化性膝關節炎」，處方咗止痛藥及轉介物理治療，但都無咩效果。
病人後來經朋友介紹，黎到診所做針灸。醫師發現，呢位病人係現職醫院護士，需要長時間企或蹲，所以一屈膝頭就會非常痛。加上病人體型略胖，亦加重咗膝痛嘅負荷。
病人話，自己上落小巴都要人扶住，夜晚訓覺仲會小腿抽筋，令生活非常痛苦。
🔸 治療方案 🔸
透過針灸，醫師除咗幫助膝關節止痛、治療損傷或緊繃肌肉，亦幫病人減重，令膝頭嘅負擔減少。病人表示，膝頭痛嘅問題在每次針灸後都有明顯減少，效果維持嘅時間逐漸加長。
終於喺2個月後，病人嘅膝頭痛程度已經減少左9成，同時體重輕咗8磅。最重要係，日常可以自如活動，上落小巴唔需要人地扶，企、跪、蹲都好輕鬆！
🔸 針灸減重 🔸
中醫一般會針對患者不同的肥胖「證型」，透過針灸、耳穴、內服中藥等治療方法，進行減重治療。最主要的方向有以下4點：
▪️ 抑制食慾
▪️ 調節體內消化系統調和
▪️ 加強分解脂肪
▪️ 從改善體質達到「不反彈」效果
病人無須刻意節食，只需要食得「健康」，例如少食生冷辛辣食物，減少損傷脾胃、痰濕積存而導致肥胖的情況。以博愛醫院嘅調查為例，5個月內持續針灸，病人可以減去2.47 – 7.2kg。
🔸 膝關節退化 🔸
呢位病人四十多歲，但因年輕時受傷嘅患處無妥善處理，加上日常工作對膝頭嘅負荷較大，加劇咗膝關節退化。除咗痛楚之外，膝關節仲有機會出現變形、積水，嚴種者需要要以輪椅代步或置換人工關節。病人為咗遷就膝頭而改變姿勢，往往仲會導致盆骨不正、腰部疼痛等問題。
退化性膝關節炎屬於中醫學嘅「痹證」，針灸除咗有疏經通絡、活血化瘀嘅功效，同時可幫助局部嘅氣血循環，加強修復能力，有顯著嘅止痛作用。
🔸 運動治療法 🔸
除咗針灸治療，減輕體重、少蹲跪都係保護膝頭嘅好方法。此外，透過訓練運動強化大腿肌肉，讓強壯而有彈性嘅大腿肌肉幫助吸收外來嘅衝擊力，都可以減輕膝頭嘅壓力。
不同活動的膝蓋負重：
站立/ 行走：體重的1-2倍
行斜坡或上落梯級：體重的3-4倍
蹲/ 跪：體重的8倍。
即是一個體重60kg的人，每上一級樓梯，膝頭就要承受240kg；如果蹲或跪，則要承受到480kg咁多。真係辛苦哂啦膝頭哥。
大家記得好好保護你嘅膝頭，初期受傷或稍有疼痛時就要好好治療，先可以避免膝頭痛及退化發生。
