健康資訊
【氣管敏感．慢性咳嗽．哮喘】 原來便秘都會影響氣管功能？醫師：「哮喘及早治療 斷尾機會更大」
疫情期間，喉嚨唔舒服咳2聲都驚嚇親隔離個路人，有氣管敏感、慢性咳嗽或哮喘嘅病人就更加辛苦！但原來氣喘、咳嗽等症狀係可以透過中藥黎舒緩！
陳泳豪醫師有一位病人，行到黎診所時已經上氣唔接下氣咁，坐低休息左10分鐘後仍然喘得好勁。原來病人一直患有哮喘，最近天氣轉涼令佢哮喘頻頻復發，而且症狀比以前仲嚴重咗，包括：發作性氣喘、胸悶、咳嗽及「泡泡痰」。
由於症狀係夜晚會更嚴重，所以嚴重影響病人睡眠。加上疫情期間，佢出街時唔舒服咳2聲，附近嘅路人即刻「彈開」，搞到佢好唔好意思。於是就黎診所求診。
🔸 西醫看哮喘成因
哮喘患者的症狀有重有輕。輕者有鼻癢、噴嚏、咳嗽、胸悶、喘息等症狀；重者則會出現哮喘、呼吸困難、咳嗽、痰液黏稠、阻塞氣管等。
現代醫學認為，哮喘是由過敏刺激物質吸入呼吸道，引致過敏所起。當過敏原進入人體後，體內產生一種使支氣管痙攣的物質，並促呼吸道分泌黏稠液體，從而引起哮喘發作。
過敏的外因有：家中灰塵、花粉、動物皮毛、霉菌、蹣蟲、油漆、乳類、蛋類、海鮮及寒冷的空氣等。內因有：上呼吸道感染、鼻炎、扁桃體炎、慢性膽道感染等。 而大部分病人都是內、外因兼有的。
🔸 中醫看哮喘成因
傳統中醫學認為，哮喘發作係因為體內宿痰被外在因素誘發，宿痰積聚阻礙氣道，引起咳嗽、呼吸不暢等哮喘症狀。誘發宿痰嘅因素，與現代醫學角度相近，包括：天氣溫度轉變、濕度轉變、飲食不慎、勞逸不當、受到風寒而感冒、不良生活習慣等。
哮喘又可再分為寒喘、熱喘和痰喘，原來我地可以從痰的狀態來分別：
▪️ 寒喘：痰質清白、稀薄
▪️ 熱喘：痰質濃、較難咳出
▪️ 痰喘：痰多、有白泡
🔸 中醫治療哮喘
中醫以「急則治其標，緩則治其本」為原則，急性發作時以止咳平喘為首要目標，症狀穩定後以健脾養肺補腎來治本並預防復發。
以陳泳豪醫師呢位病人為例，屬於哮喘嘅「急性發作期」，根據佢怕熱汗出、口乾飲水多、大便乾結等身體症狀，考慮為痰熱內結型。
係問診過程中，病人好誠實咁講：「但係呢，我有食煙習慣，戒唔到架啦～」
香煙性質辛燥，長期使用就會損傷人體津液同血液，出現「血燥生風」產生「內風」而誘發哮喘。因此，陳醫師除咗處方常用嘅止咳理氣平喘藥外，亦加入涼血活血中藥，即係中醫學所謂「治風先治血，血行風自滅」嘅治療原則。
🔸 便秘與氣管功能
另一個需要處理嘅問題係病人大便唔通嘅情況。
傳統中醫學認為「肺與大腸相表裡」，姐係肺同大腸係互有關連的。病人由於大腸腑氣不通（造成便秘），會影響肺臟嘅呼吸功能。同時，肺失宣降（咳喘情況）又會影響大腸排便。呢個係一個惡性循環，哮喘與便秘互相影響及加深病情。
所以，陳醫師另外再加入通腑泄熱嘅藥物，確保病人大便通暢。
🔸 哮喘可以斷尾嗎？
病人飲咗一星期中藥，咳喘程度已經減輕，睡眠亦大為改善，行到黎診所無再氣來氣喘了。由此可見，氣喘、咳嗽等症狀係可以透過中藥治療去有效舒緩。由於病人哮喘病史多年，所以往後仍然要間中飲藥，改善體質以防止復發。
要做到所謂「斷尾」，病徵緩和後嘅治療係最為重要的。此外，亦十分講求治療是否及時，愈早醫就愈容易處理。一旦病情已有一段發展時間，問題就會變得複雜，所需嘅康復時間亦會更長，根治嘅機會更細。
中醫學認為，小兒體質為「臟氣清靈，易趨康復；生機蓬勃，發育迅速」。即係愈早解決哮喘呢個問題，往後復發嘅機會就愈少。
🔸 日常護理
▪️ 注意保暖。早晨起床時即加衣服，避免著涼；刷牙洗臉宜用溫水；洗澡或洗頭髮後，應儘速擦乾身體及吹乾頭髮；避免沖凍水涼、淋雨及早上游水。
▪️ 請勿過度疲勞或熬夜，儘量睡眠充足。
▪️ 避免塵蹣誘發過敏，家中不要使用布窗簾、地毯、布沙發、 可用防塵枕頭被單等。
▪️ 家中應避免飼養寵物。如貓、狗、鳥、兔、鼠等 （皆過敏原）。
▪️ 避免吸煙及吸入二手煙，盡量迴避空氣污濁的地區。
▪️ 應做規律而漸進的運動。如登山、健行、跑步、韻律舞或打球，能流汗、可增進心肺功能的運動為佳。一週三次為宜。
🔸 哮喘併發症
如果哮喘無得到合適治療，有機會令肺功能永久受損。診所曾有一位病人，因為哮喘發作多年，最後出現併發肺氣腫（一種不可逆轉嘅肺病，令肺功能永久受損，只能長期服藥舒緩症狀）。而家行幾步路就已經氣促氣喘，嚴重影響日常生活。
建議各位有氣管不適嘅現象，就要及早就醫啦！
陳泳豪 註冊中醫師
0
Tags :
