健康資訊

兒童及老人容易患上!晚間皮膚痕癢超過1個月 飲中藥4周擊退風瘙癢

一入冬就發現皮膚又痕又紅,甚至出疹同有皮屑,而且夜晚特別嚴重?要小心是否患上風瘙癢。

皮膚痕癢超過1個月

陳碧葦醫師其中一位男病人,皮膚乾燥痕癢,情況持續超過一個月,全身都出紅疹,仲因搔抓而有抓痕、血痂,非常影響睡眠。

考慮到病人年紀較大且有慢性病,陳碧葦醫師認為病人屬於體質偏虛、氣血不足嘅問題。於是,以養血潤膚為主要治療方向。

病人食咗3日中藥,皮膚痕癢情況大為減退,皮膚紅疹亦已漸退。持續治療4周後,皮膚完全唔痕,紅疹都全部退哂!

皮膚出現色素沉著

另一位女病人,同樣係皮膚乾燥痕癢、全身都出紅疹,甚至有色素沉著問題。病人晚上難以入睡,胃口亦好差。

診症後,醫師判斷病人屬脾虛、陰虛,但濕熱偏重。主要治療方向係先健脾祛濕清熱。 病人食咗5天藥,胃口及睡眠已有改善。

及後調整用藥,以養陰養血為主。2周後皮膚問題改善8-9成。連續4個月治療後,皮膚色素沉著都漸漸褪去!

認識風瘙癢

風瘙癢係中醫病名,類似於西醫的皮膚瘙癢症。主要症狀係皮膚感覺異常,包括:痕癢、乾燥、泛紅、出紅點、皮屑脫落。 呢啲症狀日頭較輕、晚間較重,而且越搔抓會越痕,容易出現皮膚增厚、色素沉着以及濕疹樣變。

由於兒童嘅油脂腺發展未成熟、老人嘅油脂腺退化,所以呢2個群組較易患上風瘙癢。風瘙癢一開始只有皮膚痕癢,所以好多病人初時都無為意。但多次搔抓後,就會出現繼發性皮疹,所需嘅治療時間亦會更長。

中醫治風瘙癢

除咗飲中藥,診所仲有外洗藥物及中藥手工皂,同樣都係臨床上幫助病人快速舒緩症狀!

敷藥:將藥粉溶水至膏狀,外敷於患處皮膚

外洗:將藥粉溶水,用消毒紗布外敷或熏洗

中藥手工皂:診所有漢方紫雲皂、三花舒敏皂、艾草洗浴皂等,有效舒緩皮膚不適,由註冊中醫師處方使用,更能針對體質、症狀。

生活習慣建議

病人自己嘅皮膚護理,對此病有一定影響。

1. 可以使用不含香料的潤膚膏或保濕乳液淺塗於患處皮膚

2. 洗浴次數不宜過多、水溫不宜過高

3. 盡量避免搔抓皮膚。如果皮膚痕癢劇烈,可輕拍患處止癢

4. 如皮膚痕癢情況持續,患者不宜自行治理,建議向中醫或西醫求診,以免延誤病情。

Author : 陳碧葦 註冊中醫師

香港浸會大學針灸學碩士畢業,專研婦科(經前綜合症、月經不調、白帶異常、更年期綜合症);皮膚科(暗瘡、蕁麻疹、濕疹);內科(失眠、情志病、脾胃病)及針灸(痛症、中風病、淚水分泌失調)。

發佈留言

發佈留言必須填寫的電子郵件地址不會公開。 必填欄位標示為 *