健康資訊

中醫治情緒病 鬱症分6種!

最近多左好多黎治療情緒病嘅病人,經中藥治療後效果都唔錯。呢類情緒病病人,好多自己都有去過搵西醫求診,並食緊西醫開嘅血清素、鎮定劑同埋安眠藥。而佢地黎求診嘅原因,都喺因為症狀未有舒緩或者感受到西藥嘅副作用,覺得成個人呆呆滯滯,唔能夠正常活動。

最近有位年輕病人,因為社會環境同埋感情問題而誘發左情緒病。佢嘅臨床表現包括有心悸、善驚、頭部有昏沉感、胸悶、作嘔、胃口好差,大便長期偏爛,夜晚徹夜難眠。

經診斷後,我發現病人嘅肝鬱情況好嚴重,甚至影響埋脾胃嘅正常運化功能,加上佢嘅痰濕症狀亦好重,出現「痰濁蒙閉清竅」嘅表現,所以先會出現一系列嘅情緒問題。

鬱病常見可分為以下6種證型:

  1. 肝氣鬱結:情緒較抑鬱、無精神;伴有胸口悶、胃口不佳或常作嘔、易肚脹噯氣。
  2. 氣鬱化火:情緒較急燥;伴有頭暈頭痛、口苦口乾、便秘、耳鳴。
  3. 痰氣鬱結:咽喉異物感,好似有粒核卡住喉嚨;伴有胸口悶、肋部痛、肚脹。
  4. 心脾兩虛:常焦慮、心悸易驚慌、多思慮、諗野諗到失眠、多夢;伴有面色蒼白、記憶減退、飲食不振、月經不調。
  5. 心虛神亂:精神恍惚、注意力不集中、總是走神,情緒低落,常打哈欠。
  6. 陰虛火旺:心悸失眠、心煩易怒、頭暈頭痛、伴有白帶異常或遺精。

我按照病人嘅病機,去制定適合佢嘅治療方針,再指導病人喺日常生活同埋思想上作出改變,最後配合穴位按摩等方法。經過2個月嘅治療,病人已經可以逐步停服以往服用嘅血清素同埋安眠藥,並改善大部分病徵,重拾正常愉快嘅生活。

透過辨證論治嘅方法,中醫能夠提供多管齊下嘅治療方案,以達到「標本兼治」。一方面,可以舒緩病人臨床上嘅各種不適;另一方面可以處理病人體質底蘊嘅問題,從而治療情緒病,臨床上已取得唔錯嘅療效。

切記,即使在服用中藥,不代表就要馬上停服西藥!不論中藥或西藥,都應跟從醫生的指導服藥。如有類似病徵,必須及早正視問題,切勿讓情況持續甚至惡化!

Author : 潘健燊 註冊中醫師

海外回流註冊中醫師,畢業於香港中文大學中醫全科碩士學位,具豐富臨床經驗。專研內科中藥調理、痛症針灸及浮針治療、婦科、情志病、皮膚科等。臨床研究範疇包括:針灸治頭痛、坐骨神經痛、肌肉扭傷、關節炎、腸胃不適、婦科(經前緊張症候群、月經不調、痛經、功能性子宮出血、白帶異常、妊娠嘔吐、閉經)、情志病(鬱證、失眠)。

發佈留言

發佈留言必須填寫的電子郵件地址不會公開。 必填欄位標示為 *