中醫冷知識

廿四節氣養生 – 小滿

小滿係夏天第二個節氣,意指穀穗等農作物逐漸飽滿。同時天氣會逐漸潮濕悶熱,原來會好易出現皮膚及脾胃問題,仲好易加重失眠及肚瀉!

夏天出汗多,加上香港係潮濕悶熱嘅嶺南沿海地區,濕熱體質及肥胖者容易感到不適。濕疹、汗疹、嬰兒尿布疹等皮膚問題容易喺呢個時候出現,濕重病徵如脾胃問題、失眠、肚瀉亦會加重!建議有皮膚過敏病歷或者體濕者要及早調理,先可以有效預防疾病。

飲食方面,香港人最鐘意嘅濃味、辛辣嘢通通少食為妙!脾胃本應將食物轉成氣血,而脾胃功能不佳者就會將食物變成咗廢物(姐係濕!),而且留咗係身體入面。天氣加上飲食,你想個人唔濕都難呀!

小編:🙋🏻醫師~咁食雪糕飲凍野得啦掛~

呢位同學真係無聽書啦!上回立夏講過,夏天千萬唔好一味消暑,會反而傷脾胃。飲食可以清爽清淡為主,例如赤小豆、薏仁、冬瓜、青瓜、山藥等。如果想清爽下,可以食個西瓜,不過唔可以雪喎,可以淋吓凍水過個冷河嘅~

小編:🤦🏻‍♀️🤦🏻‍♀️🤦🏻‍♀️

Author : 陳泳豪 註冊中醫師

香港大學中醫學碩士(內科)畢業,曾就職於醫院管理局三方協作中醫診所,豐富臨床經驗,專研肺系病(咳嗽、哮喘、鼻敏感)、脾胃問題(胃病、食慾不振、便秘、泄瀉、腸易激綜合症)、皮膚科(蕁麻疹、玫瑰痤瘡)。 學歷豐富,包括香港大學中醫學碩士(內科)、香港大學中醫全科學士學位、香港理工大學綜合康復治療課程、香港大學家庭醫學及基層醫療學系社區精神醫學證書課程、香港老年學會實用老年病學證書課程、香港急症醫學會緊急醫學課程、香港中文大學專業進修學院腫瘤學證書課程、香港大學專業進修學院經方臨床應用培訓課程。

發佈留言

發佈留言必須填寫的電子郵件地址不會公開。 必填欄位標示為 *