健康資訊
撩耳屎可致面癱！呢4個常見生活習慣原來好高危！
面癱係任何年齡均可發病，而且起病急，朝早刷牙個時會突然發現！吳醫師今日同大家分享一下點樣係日常生活避免高危誘因！
面癱可分為中樞性面癱及周圍性面癱。中樞性面癱主要由腦梗塞引起，需要及時處理。周圍性面癱多因病毒侵襲面神經所致的一側面部表情肌癱瘓為特點。
面癱嘅臨床表現常見係單側或一側重一側輕嘅面部肌肉癱瘓，造成口角歪斜、漏氣、流口水、單側咀嚼肌無力等嘅病徵。輕重側會轉換，造成口角先歪向一側，後來又歪向另一側嘅常見病徵。
面癱除左影響外觀，更加會造成眼瞼閉合不全導致常流眼水、常流口水、進食困難等問題，大大影響日常生活。所以大家都應留意以下成因：
現代醫學認為，周圍性面癱常見嘅誘因係掏耳朵、剔牙、飲酒和正在大出汗時突然受涼。從中醫角度，患者多為脈絡空虛，感受風寒。其次係肝腎陰虛，肝陽上擾。再次係七情過極（喜、怒、憂、思、悲、恐、驚）。
發病15日內為急性期，呢段黃金時間內治療最為有效而且康復時間較快。如果不作治療而超過50日仍未能自行痊癒，有機會發展成面癱後遺症，會影響康復進度，建議患者及早就醫。
急性期與恢復期/後遺症期嘅治療方案會稍有不同。「病之初期邪氣盛」，治療方案以針藥並用及瀉法為主。透過淺刺及弱刺激下關穴及翳風穴，臨床研究顯示對治療周圍性面癱效果顯著。約有15%患者會復發，要注意避風寒、足夠休息、多用熱毛巾敷面、按摩醫師指定嘅穴位或面部肌肉。
一旦身體疲勞加上受風寒就會成為高危一族！注意以下3點，可以減低患上面癱嘅機率：
- 睡眠時勿靠近窗邊，或者開窗角度細啲，以免成晚面部都吹風
- 運動或出汗後，避免風扇或冷氣口直接吹到面部
- 如身體狀態較差，冷天外出可戴口罩擋風
吳昕樺 註冊中醫師
0
Tags :
