中醫冷知識

立夏 – 廿四節氣養生

立夏已經開始,真係好熱呀!等我問下醫師點樣返工都可以養生加偷懶先🤡

上回講到春天係陽氣開始升發嘅時候。到夏天,你要繼續養陽,就可以減少秋冬常發疾病。呢個就係「春夏養陽、秋冬補陰」嘅養生原則。

所以千萬唔好一味消暑,阻遏體內陽氣生長。反而會出現咽喉疼痛,甚至因耗傷陽氣而病添!

夏天心陽旺盛,所以容易煩躁不安,好發脾氣。因此立夏後要重「養心」!

飲食方面:

「汗為心之液」,大量排汗會耗傷陽氣。建議飲食上增酸減苦,可以使汗孔收縮。烏梅、山楂、木瓜、五味子均具有收斂、固澀嘅特性,可以治療泄瀉、虛汗嘅病症。

另外,隨住天氣氣溫上升,身體容易出現痤瘡、口腔潰瘍、便秘等上火表現。要改善脾胃功能,飲食上應多食粥或飲湯、以易消化及富含維生素嘅食物為主。

起居方面:

建議🌚夜訓☀️早起,順應返大自然日照時間嘅變化。另外,夏天11點到1點係太陽最猛、陽氣最旺嘅時候,亦係身體走心經嘅時間。建議抽30分鐘訓晏覺,可以「養心、養生」。

Author : 潘健燊 註冊中醫師

海外回流註冊中醫師,畢業於香港中文大學中醫全科碩士學位,具豐富臨床經驗。專研內科中藥調理、痛症針灸及浮針治療、婦科、情志病、皮膚科等。臨床研究範疇包括:針灸治頭痛、坐骨神經痛、肌肉扭傷、關節炎、腸胃不適、婦科(經前緊張症候群、月經不調、痛經、功能性子宮出血、白帶異常、妊娠嘔吐、閉經)、情志病(鬱證、失眠)。

發佈留言

發佈留言必須填寫的電子郵件地址不會公開。 必填欄位標示為 *