健康資訊

「內服外敷針灸」三管齊下 中醫治濕疹「標本兼治」

春天濕氣重,容易誘發濕疹。潘醫師最近就遇到好多因濕疹就診嘅病人。好多人以為中醫治濕疹只係飲中藥,但其實中醫有內服、外洗或外敷嘅中藥,再配合針灸治療去增加患處皮膚嘅氣血運行。中醫治療濕疹能夠「標」「本」兼治,所以潘醫師大部分嘅濕疹病人,用中醫治療後,都會有明顯改善。

臨牀上,濕疹病人嘅表現都喺會自覺患處中度至極度痕癢,皮疹分佈多爲對稱,容易出現滲出液,反覆發作同埋有變爲慢性濕疹嘅趨向。

當潘醫師再問診問深入啲,就會發現大部分嘅濕疹病人除咗有皮膚症狀外,同時會伴有身熱、心煩、口渴、大便爛等嘅表現。由此可見,香港人發濕疹既其中一個常見原因就喺「濕熱」。

咁點解香港人會咁濕熱呢?原因就喺因爲鍾意食重口味嘅食物,包括韓燒、麻辣雞煲等,加上一到週末就會飲酒,飲食不節同埋嗜酒都會令脾胃產生濕熱。另外,香港人鍾意飲凍野,脾胃呢個「人體抽濕機」嘅「化濕」功能就會變得麻麻地。當外面環境濕氣(外濕)加上內濕,喺身體上累積到一定程度,就會引發濕疹。

不幸患上濕疹既人士, 要注意皮膚保濕,沖涼水不宜太熱,呢個止痕錯覺只在一時,沖涼水太熱會影響皮脂呢層保護膜,令皮膚內嘅水份流失更多。另外,喺飲食方面,患者應該戒酒、唔好食辛辣刺激食物,同埋魚、蝦、蟹、羊肉、鮮蘑菇、韭菜等「發」嘅食物。

濕疹常見證型可分為:肝膽濕熱型、脾胃虛弱型、或較不常見嘅血虛風燥型。潘醫師喺臨牀上治療濕疹,會透過內服、外敷、針灸三管齊下,可以「治標」地疏風止癢,令病人可以有覺好訓;同時改善病人體質,從根本上預防濕疹復發。

#濕疹 #中醫濕疹 #中醫濕疹治療 #濕疹膏 #濕疹皮膚 #濕疹救星 #濕疹皂 #皮膚 #中藥 #針灸 #中醫 #中醫治療 #中醫養生 #中醫師 #中醫理論 #中醫治療 #皮膚過敏 #蘇安莎中醫診所 #soschinmed #eczema #tcm #chinesemedicine #acupunture #herbalmedicine

Author : 潘健燊 註冊中醫師

海外回流註冊中醫師,畢業於香港中文大學中醫全科碩士學位,具豐富臨床經驗。專研內科中藥調理、痛症針灸及浮針治療、婦科、情志病、皮膚科等。臨床研究範疇包括:針灸治頭痛、坐骨神經痛、肌肉扭傷、關節炎、腸胃不適、婦科(經前緊張症候群、月經不調、痛經、功能性子宮出血、白帶異常、妊娠嘔吐、閉經)、情志病(鬱證、失眠)。

發佈留言

發佈留言必須填寫的電子郵件地址不會公開。 必填欄位標示為 *