健康資訊

中風後遺症 越早針灸成效越佳

吳醫師係醫院經常遇到曾經中風嘅病人,後遺症包括面癱、神經痛、抽筋、肢體活動障礙等。有一次,一個病人係首次出現缺血性中風後,有一側肢體活動受限嘅後遺症。佢喺一位護士嘅推薦下,坐住輪椅咁嚟搵我做針灸。點知,第二日佢再嚟嘅時候已經唔使坐輪椅,而係自己行入診室。 

呢位病人話,佢第一次針完之後,一返到病房就不停做返我建議嘅肌肉鍛練及運動,例如按摩腳部穴位及肌肉、用左手幫右手舉高等等。因為佢本身性格好心急,想快啲好返,變成都幫咗自己加快康復進度。 

中風主要包括腦溢血、腦血栓形成、腦栓塞、蛛網膜下腔出血等,發病嚴重程度因人而異,但中風後大部份患者均會有不同程度嘅肢體運動功能障礙。 

臨床上發現,當中風病情穩定後,後遺症嘅處理越早使用中醫治療,療效及康復時間會越快。一般認為,病後肢體功能康復嘅最佳時間係發病後3個月以內,而發病後6個月仍然係有效康復期;若超過1年,康復嘅效果同速度都會降低。除此之外,中風嚴重程度亦會影響療效及康復嘅速度。 

醫師係採用針灸治療中風後遺症時,一般會分辨以下三型:(1)軟癱型、(2)痙攣型、(3)恢復型。根據不同分型、醫師會採用不同穴位及針法,以達到放鬆肌肉、預防肌肉廢用性萎縮、為肌肉準備功能鍛練等。 

中醫治病原則著重「整體觀」及「辨證施治」,視身體為一個整體去判斷及治療,而且會根據每個人不同嘅體質及病發證型去決定治療方案,令每個病人都得到最適合佢自己嘅治療。 

Author : 吳昕樺 註冊中醫師

吳醫師習得台灣中醫美容醫學會「整顏鍼」證書,並累積繁多針灸治療皮膚問題嘅個案經驗。此外,吳醫師更獲得醫院管理局進修獎學金,讓她能在骨傷、針灸及影像學科方面深造,繼而發展出骨傷痛症、皮膚科及中風後遺症嘅豐富臨床經驗。 吳昕樺醫師畢業於香港大學中醫全科學士學位,並取得香港大學中醫碩士(針灸學位)。吳醫師同時備有台灣中醫美容醫學會「整顏鍼」證書、香港大學臨床皮膚醫學證書、香港大學社區精神醫學證書及香港老年學會實用老年病學證書課程。

發佈留言

發佈留言必須填寫的電子郵件地址不會公開。 必填欄位標示為 *