壓力太大晚晚失眠 可以點做？

壓力太大晚晚失眠 可以點做？

潘醫師最近喺中環診所遇到幾位做 office 嘅病人，因爲工作壓力太大，搞到晚晚都瞓唔到覺，日頭完全唔能夠集中精神做野，連續幾日惡性循環搞到人都癲。

失眠嘅成因除左壓力大情緒差之外，亦包括飲食不調節、疲勞過度、病後未有充分休息等。而醫師會再根據病人嘅症狀、脈象及舌象，判斷病人屬於實證定虛證，從而再處方中藥或配合耳穴、針灸治療。

用中醫方法治療失眠，既無西藥安眠藥嘅副作用，停用時亦唔會出現反彈現象。我臨床上嘅個案，大部分病人好快就有覺好瞓，第二、三次覆診已經成個人容光煥發。

根據我嘅臨床經驗，大部分香港病人嘅失眠屬於虛實夾雜。實證多數因爲工作或生活壓力過大，搞到嬲嬲豬而傷肝；虛證就喺因爲經常夜訓或思慮過多，造成陰虛或心脾兩虛。呢類虛實夾雜嘅類型比較複雜，建議由專業醫師診斷及處方中藥。

如果你係：性情急躁易怒，心煩，胸脅脹悶，鍾意嘆氣，口苦口乾等，咁就屬於常見嘅肝鬱化火型失眠 ，我會建議瞓覺前2個鐘焗杯「疏肝安神茶」飲：

「疏肝安神茶」：

材料：合歡花10克、綠萼梅10克、少量蜜糖
做法：將合歡花、綠萼梅同放入茶杯內，加入滾水，蓋上焗20分鐘，飲用時可以加入少少蜜糖

記得各類茶療都要配合不同嘅體質，如果唔清楚自己體質或病情已經持續已久，建議你及早諮詢專業醫師啦！